Nepali Gajal: Gajal😊😊-Netra Bdr Kunwar

Monday, May 27, 2019

हातमा ठेला आँशु परेलामा देख्छु दु:ख लाग्छ- नेत्र कुवर

बा जुवातास आमा मेलामा देख्छु दु:ख लाग्छ

यो कस्तो चलन हो हेलामा देख्छु दु:ख लाग्छ

सन्तानको रहर गरिबीले लादेको विवशता

हातमा ठेला आँशु परेलामा देख्छु दु:ख लाग्छ

गरिब मनमायालाइ बोक्सीकोआरोप लाग्थ्यो

अझै पनि उस्तै बेलाबेलामा देख्छु दु:ख लाग्छ

यीनै आवाज उठान गरेर कुर्सीमा पुगे, बिर्से

नेताजी ठूल ठूला भेलामा देख्छु दु:ख लाग्छ

दारु पिएर चुरोट लिएर गुरु पढाउन जान्छन्

तिनै गुणहरु पृय चेलामा देख्छु दु:ख लाग्छ

नेत्र कुवर

अछाम, साँफे-८

हाल काठमाडौं

Nepali Gajal